Sərkisyandan çox Sərkisyan…
Ermənistanda yeni prezident fəaliyyətə başlayıb: Armen Sərkisyan. O, prezident postunda Serj Sərkisyanı əvəzləyib. Serj Sərkisyanın baş nazir kürsüsünə oturacağı gözlənir. Beləliklə, həm dövlətin, həm də hökumətin başında Sərkisyan soyadlı şəxslər duracaq.
Novator.az Panarmenian.net saytına istinadla bildirir ki, hazırda Ermənistanda rəhbər post tutan daha 3 Sərkisyan var: Vigen Sərkisyan müdafiə naziri, Narek Sərkisyan Şəhərsalma Komitəsinin sədri, Martin Sərkisyan Daşınmaz Əmlakın Kadastrı Komitəsinin sədridir.
Parlamentdə isə Sərkisyan soyadı daşıyan 6 deputat yar alır: Alik Sərkisyan, Aram Sərkisyan, Artak Sərkisyan, Avet Sərkisyan, Luiza Sərkisyan, Robert Sərkisyan.
Sabiq baş nazir, Avrasiya İqtisadi Komissiyasının sədri də Sərkisyan soyadı daşıyır: Tiqran Sərkisyan.
