Qoşa yubiley
Aprelin 10-da milli azadlıq hərəkatının iki öncül şəxsinin doğum günüdür – Tofiq Qasımovun 80, İsgəndər Həmidovun 70 yaşı tamam olur.
Novator.az bildirir ki, Tofiq Qasımov 1938-ci ildə Ağdaşın Ləki kəndində anadan olub. Azərbaycan Dövlət Universitetinin (Bakı) fizika-riyaziyyat fakültəsini və SSRİ Elmlər Akademiyasının Fizika-Texnika İnstitutunun (Leninqrad, indiki Sankt-Peterburq) aspiranturasını bitirib, uzun illər elm sahəsində çalışıb.
Azərbaycan Xalq Cəbhəsinin qurucularından biridir. 1990-cı ildən parlamentin üzvü olub. 1992-1993-cü illərdə Azərbaycanın xarici işlər naziri postunu tutub. Hazırda İsveçrədə yaşayır.
İsgəndər Həmidov 1948-ci ildə Kəlbəcərin Bağlıpəyə kəndində doğulub. İqtisadiyyat və hüquq sahələri üzrə iki ali təhsil alıb. Uzun illər daxili işlər orqanlarında xidmət edib.
1990-cı ildən parlamentin üzvü olub. 1992-1993-cü illərdə Azərbaycanın daxili işlər naziri postunu tutub. 1995-2003-cü illərdə həbsdə yatıb.
