Birinci rübdə nə qədər bahalaşma gedib?
Dövlət Statistika Komitəsi inflyasiya göstəricilərini açıqlayıb. Novator.az-ın məlumatına görə, rəsmi hesabatda bildirilir ki, 2018-ci ilin yanvar-mart aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 4 faiz, o cümlədən ərzaq məhsullarının qiymətləri 4,5 faiz, qeyri-ərzaq mallarının qiymətləri 4,3 faiz, əhaliyə göstərilən ödənişli xidmətlərin qiymətləri 2,9 faiz artıb.
Rəsmi açıqlamaya əsasən, mart ayında fevral ayına nisbətən istehlak məhsulları və xidmətlər 0,2 faiz, o cümlədən ərzaq məhsulları 0,5 faiz, əhaliyə göstərilən ödənişli xidmətlər 0,1 faiz bahalaşıb, qeyri-ərzaq mallarının qiymətləri isə sabit qalıb.
