Problemli kreditlər artıb
Kredit və əmanətlər üzrə yeni hesabat açıqlanıb. Novator.az-ın məlumatına görə, Mərkəzi Bank bəyan edib ki, martın 1-nə kreditlərin məbləği 11 milyard 147,2 milyon manat, əmanətlərin həcmi 7 milyard 750,3 milyon manat olub.
Fevralın 1-nə kreditlərin məbləği 11 milyard 242,2 milyon manat, əmanətlərin həcmi 7 milyard 497 milyon manat idi.
Başqa bir hesabata əsasən, problemli kreditlərin həcmi martın 1-nə 1 milyard 700,9 milyon manata yüksəlib.
Yanvarın 1-nə vaxtı keçmiş kreditlərin məbləği 1 milyard 626,7 milyon manat, fevralın 1-nə 1 milyard 695,9 milyon manat olmuşdu.
