Nazirlik 120 avtomobil təqdim etdi
Əmək və Əhalinin Sosial Müdafiəsi Nazirliyi Qarabağ müharibəsi və 20 Yanvar əlillərinə “Naz-Lifan” markalı minik avtomobilləri təqdim edib. 117 maşın Qarabağ müharibəsi əlillərinə, 3 maşın 20 Yanvar əlillərinə verilib.
Aprelin 9-da yayılan rəsmi məlumata görə, prezidentin 23 dekabr 2013-cü il və 30 aprel 2014-cü il sərəncamları əsasında müharibə əlilləri və onlara bərabər tutulanlar 2,2 minə yaxın “Naz-LİFAN” markalı minik avtomobili alıb.
Ümumilikdə isə bu vaxta qədər 6 min nəfərdən çox müharibə əlili və onlara bərabər tutulan vətəndaşın minik avtomobili ilə təmin edildiyi bildirilir.
