Müşahidəçi hesabatı yenilənib
Mərkəzi Seçki Komissiyası aprelin 11-də keçiriləcək prezident seçkisi ilə bağlı statistik hesabatı yeniləyib. Novator.az bildirir ki, 60 təşkilatı, 59 ölkəni təmsil edən 890 beynəlxalq müşahidəçi qeydə alınıb. Yerli müşahidəçilərin sayı 58175-dir.
Seçki komissiyalarına 5253 məşvərətçi səs hüquqlu üzv təyin olunub.
125 dairəni əhatə edən seçki məntəqələrinin 5426-sı daimi, 215-i müvəqqəti məntəqədir.
Prezidentliyə 8 namizəd iddia edir: dövlət başçısı İlham Əliyev, deputatlar Araz Əlizadə, Fərəc Quliyev, Qüdrət Həsənquliyev, Zahid Oruc, Azərbaycan Demokrat Partiyasının sədri Sərdar Cəlaloğlu, Müasir Müsavat Partiyasının sədri Hafiz Hacıyev, siyasətçi Razi Nurullayev.
