Prezident yanında Apellyasiya Şurası yeniləndi
Dövlət başçısı İlham Əliyev fərman imzalayaraq Prezident yanında Apellyasiya Şurasının əsasnaməsini və tərkibini yeniləyib.
Novator.az bildirir ki, əsasnaməsinə görə, Prezident yanında Apellyasiya Şurası sahibkarlıq fəaliyyəti göstərən fiziki və hüquqi şəxslərin özlərinin sahibkarlıq fəaliyyəti ilə bağlı müraciətlərinə baxılması sahəsində çoxpilləliyin təmin edilməsi, mərkəzi və yerli icra hakimiyyəti orqanlarının apellyasiya şuralarının qərarlarından, digər hərəkət və hərəkətsizliyindən yuxarı orqana şikayətlərin verilməsi mexanizminin tənzimlənməsi məqsədi ilə yaradılmış və ictimai (ödənişsiz) əsaslarla fəaliyyət göstərən kollegial orqandır.
Şuranın sədri Prezident Administrasiyasının dövlət nəzarəti şöbəsinin müdiri Eldar Nuriyev, sədr müavini birinci vitse-prezidentin katibliyinin rəis müavini Mehdi Dadaşovdur.
Qurumun digər üzvləri bu şəxslərdir: Rüfət Məmmədov (Prezident Administrasiyasının ərazi-təşkilat məsələləri şöbəsinin 6-cı ərazi sektorunun müdiri), Vüsal İsayev (Prezident Administrasiyasının hüquq mühafizə orqanları ilə iş və hərbi məsələlər şöbəsinin hüquqi xidmətlərin göstərilməsi məsələləri sektorunun müdiri), Süleyman Qəmbərov (Prezident Administrasiyasının sənədlərlə və vətəndaşların müraciətləri ilə iş şöbəsinin vətəndaşların müraciətləri ilə iş sektorunun müdiri), Feyruz Mustafayev (Prezident Administrasiyasının iqtisadi məsələlər şöbəsinin baş məsləhətçisi), Bəhram Məmmədli (Prezident Administrasiyasının dövlət nəzarəti şöbəsinin baş məsləhətçisi), Elturan Babayev (Prezident Administrasiyasının qanunvericilik və hüquq ekspertizası məsələləri şöbəsinin baş məsləhətçisi), Vilayət Abdullayev (Sahibkarlar (İşəgötürənlər) Təşkilatları Milli Konfederasiyasının nümayəndəsi.
