Keçmiş prezidentə 24 il həbs verildi
Cənubi Koreyanın sabiq prezidenti Pak Kın He 24 il müddətinə azadlıqdan məhrum edilib. Novator.az-ın məlumatına görə, hökm aprelin 6-sı paytaxt Seulun Mərkəzi İnzibati Dairə Məhkəməsində çıxarılıb. Keçmiş dövlət başçısı vəzifə səlahiyyətlərindən sui-istifadədə, rüşvət almaqda, mənimsəmədə təqsirli bilinib.
Pak Kın He 2012-ci ildə prezident seçilib. 2016-cı il dekabrın 9-da Cənubi Koreya parlamenti korrupsiya qalmaqalına görə prezidentin istefasına səs verib. Ötən il martın 10-da Konstitusiya Məhkəməsi Pak Kın Henin istefaya göndərilməsi barədə qərarı təsdiqləyib. Martın 31-də Pak Kın He tutulub.
