Dövlət Sərhəd Xidmətinin rüblük hesabatı
Dövlət Sərhəd Xidməti yanvar-mart ayları üzrə hesabat yayıb. Rəsmi məlumata görə, axtarışda olan 1344 şəxs buraxılış məntəqələrində müəyyən edilərək tutulub: “Dövlət sərhədindən saxta və özgəsinə məxsus sənədlərlə keçməyə cəhd edən 76 nəfər saxlanıb. Onların 29 nəfəri Azərbaycan vətəndaşıdır. 47 nəfər əcnəbi vətəndaşın saxta sənədlərlə Azərbaycana gəlmə və ölkə ərazisindən Avropa ölkələrinə səfər etmə cəhdlərinin qarşısı alınıb, gəlişinin məqsədini izah edə bilməyən 101 nəfər əcnəbi vətəndaş ölkə ərazisinə buraxılmayıb. 29 nəfər əcnəbinin sərhəd keçmə sənədlərinin saxta olması müəyyən edilib.
Azərbaycan ərazisindən istifadə etməklə saxta viza və yaşamaq barədə vəsiqələrlə Avropaya səfər etməyə cəhd edən 18 nəfər saxlanıb.
Ölkəyə gəlmək məqsədlərini izah edə bilmədiklərinə görə 27 nəfər Özbəkistan vətəndaşı, 20 nəfər Pakistan vətəndaşı, 18 nəfər Hindistan vətəndaşı, 8 nəfər Şri-Lanka vətəndaşı, 5 nəfər Qırğızıstan vətəndaşı, 4 nəfər İran vətəndaşı, 4 nəfər Tacikistan vətəndaşı, 3 nəfər Banqladeş vətəndaşı, 2 nəfər BƏƏ vətəndaşı, 2 nəfər İraq vətəndaşı, 2 nəfər Əfqanıstan vətəndaşı, 2 nəfər Qana vətəndaşı, 1 nəfər Konqo vətəndaşı, 1 nəfər Səudiyyə Ərəbistanı vətəndaşı, 1 nəfər Suriya vətəndaşı, 1 nəfər Misir vətəndaşı ölkə ərazisinə buraxılmayıb”.
