Cəlilabad forumunda kreditlər
İqtisadiyyat Nazirliyinin Sahibkarlığa Kömək Milli Fondu aprelin 6-sı Cəlilabadda işgüzar forum keçirib. Rəsmi məlumata görə, forumda bildirilib ki, 2018-ci ildə sahibkarlara 51 milyon manat güzəştli kredit verilib. Bu kreditlərin hesabına maliyyələşdirilən layihələrin reallaşdırılmasının 5200-dən çox yeni iş yerinin açılmasına imkan yaratdığı vurğulanıb.
Forum çərçivəsində Lənkəran iqtisadi rayonunda fəaliyyət göstərən sahibkarlıq subyektləri 174 min manatdan çox güzəştli kredit alıb. Kreditlərin heyvandarlığın, həmçinin ət, meyvə emalı və s. sahələrin inkişafına yönəldiləcəyi bildirilir.
Hesabata əsasən, Lənkəran iqtisadi rayonunda fəaliyyət göstərən sahibkarlıq subyektlərinə 6 aprel kreditləri də daxil olmaqla 121,2 milyon manat güzəştli kredit ayrılıb.
