Şəxsiyyət vəsiqəsi rüsumları: qanun imzalandı
Prezident İlham Əliyev “Dövlət rüsumu haqqında” qanuna dəyişiklikləri imzalayıb. Novator.az-ın məlumatına görə, yenilik Azərbaycan vətəndaşına şəxsiyyət vəsiqəsinin verilməsi və ya dəyişdirilməsi rüsumlarını belə müəyyənləşdirir: on gün müddətində verildikdə və ya dəyişdirildikdə 4 manat; üç iş günü müddətində verildikdə və ya dəyişdirildikdə 20 manat; bir iş günü müddətində verildikdə və ya dəyişdirildikdə 25 manat.
Şəxsiyyət vəsiqəsinin itirilməsi və ya korlanması ilə əlaqədar yenidən verilməsinə görə rüsumlar fərqlidir (15, 35 və 45 manat).
Qanun 2019-cu il yanvarın 1-dən qüvvəyə minir.
