Müşahidə missiyası: yeni rəqəmlər
Avropa Şurası Parlament Assambleyasının missiyası Azərbaycanda aprelin 11-də keçiriləcək prezident seçkisini müşahidə edəcək. Sechki-2018.az-ın məlumatına görə, 33 nəfərlik nümayəndə heyətinə rəhbərlik rumıniyalı deputat Viorel Rikard Badeaya həvalə olunub. Missiya seçkini ATƏT Parlament Assambleyası və ATƏT-in Demokratik Təsisatlar və İnsan Hüquqları Bürosunun müşahidəçiləri ilə birlikdə izləyəcək.
Novator.az bildirir ki, Mərkəzi Seçki Komissiyası 58 təşkilatı, 59 ölkəni təmsil edən 871 beynəlxalq müşahidəçini qeydə alıb. Yerli müşahidəçilərin sayı 57373-dür.
Seçki komissiyalarına 5149 məşvərətçi səs hüquqlu üzv təyin olunub.
125 dairəni əhatə edən seçki məntəqələrinin 5426-sı daimi, 215-i müvəqqəti məntəqədir.
Prezidentliyə 8 namizəd iddia edir: dövlət başçısı İlham Əliyev, deputatlar Araz Əlizadə, Qüdrət Həsənquliyev, Fərəc Quliyev, Zahid Oruc, Müasir Müsavat Partiyasının sədri Hafiz Hacıyev, Azərbaycan Demokrat Partiyasının sədri Sərdar Cəlaloğlu, siyasətçi Razi Nurullayev.
Ölkədə 5,2 milyona yaxın seçici qeydə alınıb.
