Manatı qorumağa nə qədər pul gedib?
Dövlət Neft Fondu martda Mərkəzi Bankın keçirdiyi valyuta hərraclarında 647 milyon ABŞ dolları məbləğində vəsait satıb. Rəsmi hesabatda 2018-ci ilin birinci rübü ərzində satılan valyutanın həcmi 1 milyard 310,2 milyon dollar göstərilir.
Novator.az bildirir ki, yanvarın valyuta hərraclarında fonddan 299,1 milyon dollar, fevralın valyuta hərraclarında 364,1 milyon dollar məbləğində vəsait alınmışdı.
2017-ci ildə fond valyuta hərraclarında 3 milyard 598 milyon dollar satıb.
Mərkəzi Bank hazırda ABŞ dollarını 1,7 manata təklif edir. 2018-ci ildə dolların maksimal rəsmi qiyməti 1,7001 manat olub. Həmin kurs ilin əvvəlindən martın 7-dək qüvvədə qalıb.
