Ekoloji pozuntulara görə nə cəzalar verilib?
Ekologiya və Təbii Sərvətlər Nazirliyi Ətraf Mühitin Mühafizəsi Departamentinin 16-31 mart arası apardığı araşdırmanın nəticələrini açıqlayıb. Rəsmi hesabata əsasən, atmosfer havasının, su və torpaq ehtiyatlarının, yerin təkinin, fauna və floranın mühafizəsi, o cümlədən ətraf mühitə məişət və istehsalat tullantılarının yerləşdirilməsi sahəsində qanun pozuntularına görə 111 akt və protokol tərtib olunub, nöqsanların aradan qaldırılması üçün 12 müddətli məcburi göstəriş verilib.
23 iş üzrə 17900 manat məbləğində cərimə kəsilib, dəymiş ziyana görə 13 iş üzrə 12668,97 manat məbləğində iddia qaldırılıb, ətraf mühitə tullantıların atılmasına və axıdılmasına görə 217 iş üzrə 33031,95 manat məbləğində ödəmə tətbiq edilib.
Tədbir görülməsi üçün hüquq mühafizə orqanlarına və icra qurumlarına 14 iş göndərilib.
