Yardım Fondunun vəsaiti açıqlanıb
Silahlı Qüvvələrə Yardım Fondunun rəsmi hesabatı açıqlanıb. Müdafiə Nazirliyi bildirir ki, 1 aprel 2018-ci ilə fonda 89,8 milyon manat, 213,6 min ABŞ dolları, 10,7 min avro və 5 min rubl vəsait daxil olub.
Silahlı Qüvvələrə Yardım Fondu 2002-ci ildə yaradılıb. Fondun maliyyə mənbəyi Azərbaycanın ərazisində fəaliyyət göstərən hüquqi və fiziki şəxslərdən könüllülük əsasında daxil olan maliyyə vəsaiti və qanunvericiliklə qadağan olunmamış digər daxilolmalardır.
İlin əvvəlindən manat, dollar və avro hesablarında artım qeydə alınıb. 1 yanvar 2018-ci ilə Yardım Fondunda 88 milyon 8,9 min manat, 212,9 min ABŞ dolları, 9,5 min avro və 5 min rubl vəsait vardı.
