Partiya liderlərinin yaşı
Ədalət Partiyasının sədri İlyas İsmayılovun 80 yaşı tamam olub. Novator.az bildirir ki, İlyas İsmayılov bu baxımdan veteran, ən yaşlı partiya lideridir.
Vətəndaş Həmrəyliyi Partiyasının sədri Sabir Rüstəmxanlının 71 yaşı var. Ana Vətən Partiyasının sədri Fəzail Ağamalı ondan bir yaş kiçikdir.
Sosial Demokrat Partiyasının sədri Araz Əlizadə 66, Demokratik İslahatlar Partiyasının sədri Asim Mollazadə 64, Demokrat Partiyasının sədri Sərdar Cəlaloğlu 63, Vəhdət Partiyasının sədri Tahir Kərimli 62 yaşdadır.
Klassik Xalq Cəbhəsi Partiyasının sədri Mirmahmud Mirəlioğlunun 61, Xalq Partiyasının sədri Pənah Hüseynin 60 yaşı tamamlanıb.
Yeni Azərbaycan Partiyasının sədri, prezident İlham Əliyevin 56 yaşı var. 1961-ci il dekabrın 24-də doğulan İlham Əliyev Müsavat Partiyasının başqanı Arif Hacılıdan bir ay böyükdür. 1962-ci il təvəllüdlü Arif Hacılının 56 yaşı bu il yanvarın 22-də tamam olub.
Milli Dirçəliş Hərəkatı Partiyasının sədri Fərəc Quliyev 55, Bütöv Azərbaycan Xalq Cəbhəsi Partiyasının sədri Qüdrət Həsənquliyev və Böyük Quruluş Partiyasının başqanı Fazil Mustafa 52 yaşdadır.
Azərbaycan Xalq Cəbhəsi Partiyasının sədri Əli Kərimli apreldə 53 yaşını qeyd edəcək.
Vətəndaş və İnkişaf Partiyasının sədri Əli Əliyevin 50 yaşı var.
Ümid Partiyasının sədri İqbal Ağazadə 49 yaşdadır.
