Nazirlik müraciət statistikası yayıb
Təhsil Nazirliyinin telefon məlumat mərkəzinə (“Qaynar xətt”: 146) daxil olan zənglərin və vətəndaşların qəbulu mərkəzində göstərilən xidmətlərin statistikası açıqlanıb. Rəsmi məlumata görə, mart ayında vətəndaşlarla iş bölməsinə 8894 müraciət daxil olub. Telefon məlumat mərkəzində 6552 zəng qəbul edilib, vətəndaşların qəbulu mərkəzində isə 2342 vətəndaşa xidmət göstərilib.
899 sənədin (523 məktub, 325 ərizə, 51 digər sənəd) qəbul olunduğu bildirilir.
Müraciətlər daha çox ali təhsil sənədlərinin (diplomların) tanınması, ümumtəhsil məktəblərinin 1-ci sinfinə qəbul, tələbələrin yerli ali və orta ixtisas təhsil müəssisələrinə köçürülməsi və bərpası, müəllimlərin işə qəbulu məsələlərini əhatə edib.
