Məzənnələrin aprel startı
Mərkəzi Bank aprelin 2-də ABŞ dollarının (1,7 manat) və Rusiya rublunun (0,0297 manat) məzənnələrini dəyişməz saxlayıb.
Bir çox valyutada isə kurs yeniliyi var. Novator.az-ın məlumatına görə, avro 2,0938 manata, gürcü larisi 0,7054 manata, ingilis funt sterlinqi 2,3869 manata yüksəlib.
Ucuzlaşan türk lirəsi isə banklara 0,4293 manata satılır.
2018-ci ilin yanvar-mart aylarında ABŞ dollarının maksimal rəsmi qiyməti 1,7001 manat olub. Bu kurs ilin əvvəlindən martın 7-dək qüvvədə qalıb.
Avro 2018-ci ilə 2,0431 manatla start verib. Üç ayın ən yuxarı qiyməti fevralın 16-na təsadüf eləyib: 2,1335 manat.
Rusiya rublu 2018-ci ildə yola 0,0297 manatla çıxıb. Üç ay ərzində rublun ən yuxarı rəsmi qiyməti yanvarın 26-da qeydə alınıb. Həmin gün Mərkəzi Bank rublu 0,0304 manata təklif edib.
