Ermənistanın ixracı 41 faizdən çox artıb
Ermənistanın Milli Statistika Xidməti 2018-ci ilin yanvar-fevral ayları üzrə ixrac hesabatı yayıb. Novator.az-ın məlumatına görə, hesabatda qeyd olunur ki, 2017-ci ilin ilk iki ayı ilə müqayisədə ixrac 41,1% artaraq 387 milyon dollara yaxınlaşıb.
İxracın 23,3%-i Rusiyaya yönəlib. İkinci böyük istiqamət İsveçrə (17%), üçüncü böyük istiqamət Bolqarıstandır (11,4%).
Milli Statistika Xidməti ixracda əsas yeri xammal tutub, 117 milyon dollarlıq məhsul ixrac olunub.
Qiymətli metallar və onlardan hazırlanan məmulatların ixracında 47%, adi metallar və onlardan hazırlanan məmulatların ixracında 42%, yeyinti məhsullarının ixracında 22,8% artım qeydə alınıb.
2017-ci ildə Ermənistanda ixracın həcmi 2016-cı illə müqayisədə 25% artmışdı.
