Yeni qaydalar, məbləğlər
Prezident İlham Əliyev fərman imzalayaraq daşınar əmlakın yüklülüyünün dövlət reyestrinin aparılması qaydalarını və dövlət reyestrindən istifadə haqqının məbləğini təsdiqləyib.
Novator.az bildirir ki, qaydalara əsasən, reyestr daşınar əmlakın yüklülüyünün yaranması, yüklülüyə dəyişiklik edilməsi, ona xitam verilməsi və yüklülüyə etiraz edilmə ilə bağlı bildirişlərin sistemləşdirilmiş məcmusundan ibarət dövlət informasiya sistemidir. Reyestrin informasiya sisteminin yaradılması, idarə olunması Maliyyə Bazarlarına Nəzarət Palatasının səlahiyyətindədir.
Daşınar əmlakın yüklülüyünün dövlət reyestrindən istifadəyə görə bu məbləğlərdə istifadə haqqı tutulur: yüklülük bildirişinin reyestrə daxil edilməsi üçün – 10 manat; yüklülüyə dəyişiklik bildirişinin reyestrə daxil edilməsi üçün – 6 manat; axtarışın nəticələrinə dair kağız daşıyıcıda təsdiqlənmiş hesabatın verilməsi üçün – 6 manat.
