Bakıda sərmayə 32,7 faiz azalıb
Bakı Şəhər Statistika İdarəsi sosial-iqtisadi göstəriciləri açıqlayıb. Novator.az bildirir ki, hesabata görə, 2018-ci ilin yanvar-fevral aylarında sənayedə istehsalın və xidmətlərin həcmi əvvəlki ilin müvafiq dövrü ilə müqayisədə 1 faiz artıb. Sənaye məhsulunun 85,5 faizi mədən sektorunda istehsal olunub.
Yanvar-fevral aylarında şəhərin iqtisadi və sosial sahələrinin inkişafı üçün əsas kapitala 1 milyard 453,1 milyon manat və ya əvvəlki ilin müvafiq dövrü ilə müqayisədə 32,7 faiz az vəsait yönəldildiyi qeyd edilir. Ümumi sərmayənin 40,1 faizi dövlət, 59,9 faizi qeyri-dövlət sektorunun sərmayədarlarının payına düşüb.
İki ayda ticarət dövriyyəsinin həcmi 2017-ci ilin yanvar-fevral ayları ilə müqayisədə 3,1 faiz artıb.
İctimai iaşə dövriyyəsinin real ifadədə 4,1 faiz artaraq 123,8 milyon manat olduğu vurğulanır.
Hesabata əsasən, yanvar-fevral aylarında əhaliyə göstərilən ödənişli xidmətlərin dəyəri 2017-ci ilin müvafiq dövrü ilə müqayisədə 0,9 faiz yüksəlib.
Bakı Şəhər Statistika İdarəsi yanvar ayında paytaxtda orta aylıq nominal əməkhaqqı 764 manat olub.
