116-cı maddə 37 nəfəri istefaya göndərir
Azərbaycan Konstitusiyasının 116-cu maddəsinə görə, yeni seçilmiş prezident səlahiyyətlərini icra etməyə başladığı gün Nazirlər Kabineti istefa verməlidir. Kabinetə baş nazir, onun müavinləri, nazirlər və başqa mərkəzi icra hakimiyyəti orqanlarının rəhbərləri daxildir.
Novator.az bildirir ki, təhsil naziri və Dövlət Şəhərsalma və Arxitektura Komitəsinin sədri postları hazırda boşdur. Onlarsız Nazirlər Kabinetinin 37 üzvü var və həmin şəxslər aprelin 11-də seçiləcək prezident səlahiyyətlərini icra etməyə başladığı gün istefaya gedəcəklər:
baş nazir Artur Rasizadə
baş nazirin birinci müavini Yaqub Eyyubov
baş nazirin müavinləri Əli Əhmədov, Abid Şərifov, İsmət Abasov, Elçin Əfəndiyev
baş nazirin müavini, Qaçqınların və Məcburi Köçkünlərin İşləri üzrə Dövlət Komitəsinin sədri Əli Həsənov
xarici işlər naziri Elmar Məmmədyarov
müdafiə naziri Zakir Həsənov
ədliyyə naziri Fikrət Məmmədov
daxili işlər naziri Ramil Usubov
fövqəladə hallar naziri Kəmaləddin Heydərov
müdafiə sənayesi naziri Yavər Camalov
maliyyə naziri Samir Şərifov
vergilər naziri Mikayıl Cabbarov
iqtisadiyyat naziri Şahin Mustafayev
kənd təsərrüfatı naziri Heydər Əsədov
energetika naziri Pərviz Şahbazov
nəqliyyat, rabitə və yüksək texnologiyalar naziri Ramin Quluzadə
əmək və əhalinin sosial müdafiəsi naziri Səlim Müslümov
səhiyyə naziri Oqtay Şirəliyev
mədəniyyət və turizm naziri Əbülfəs Qarayev
ekologiya və təbii sərvətlər naziri Hüseynqulu Bağırov
gənclər və idman naziri Azad Rəhimov
Dövlət Gömrük Komitəsinin sədri Aydın Əliyev
Dövlət Statistika Komitəsinin sədri Tahir Budaqov
Əmlak Məsələləri Dövlət Komitəsinin sədri Kərəm Həsənov
Standartlaşdırma, Metrologiya və Patent üzrə Dövlət Komitəsinin sədri Ramiz Həsənov
Diasporla İş üzrə Dövlət Komitəsinin sədri Nazim İbrahimov
Dini Qurumlarla İş üzrə Dövlət Komitəsinin sədri Mübariz Qurbanlı
Ailə, Qadın və Uşaq Problemləri üzrə Dövlət Komitəsinin sədri Hicran Hüseynova
Dövlət Təhlükəsizliyi Xidmətinin rəisi Mədət Quliyev
Xarici Kəşfiyyat Xidmətinin rəisi Orxan Sultanov
Dövlət Sərhəd Xidmətinin rəisi Elçin Quliyev
Dövlət Miqrasiya Xidmətinin rəisi Firudin Nəbiyev
Səfərbərlik və Hərbi Xidmətə Çağırış üzrə Dövlət Xidmətinin rəisi Arzu Rəhimov
Milli Arxiv İdarəsinin rəisi Ataxan Paşayev.
11 aprel seçkisində prezidentlik uğrunda dövlət başçısı İlham Əliyev və siyasətçilər Araz Əlizadə, Qüdrət Həsənquliyev, Zahid Oruc, Fərəc Quliyev, Hafiz Hacıyev, Sərdar Cəlaloğlu, Razi Nurullayev mübarizə aparırlar. Prezidentliyə namizəd səsvermədə iştirak etmiş seçicilərin yarısından çoxunun səsi ilə prezident seçilmiş sayılır.
Seçki Məcəlləsinə görə, Mərkəzi Seçki Komissiyası aprelin 11-dən başlayaraq uzağı 10 gün ərzində prezident seçkisinə yekun vurub nəticələri təsdiq olunmaq üçün Konstitusiya Məhkəməsinə təqdim etməlidir. Konstitusiya Məhkəməsi nəticələri təsdiqləyəndən uzağı 3 gün sonra yeni seçilmiş prezident and içərək səlahiyyətlərinin icrasına başlamalıdır.
