Yeni səfirə yol açılır
ABŞ-ın Azərbaycandakı səfiri Robert Sekutanın səlahiyyət müddəti başa çatır. O, prezident İlham Əliyevə etimadnaməsini 2015-ci il fevralın 15-də təqdim etmişdi.
Novator.az bildirir ki, ABŞ-ın Azərbaycanda birinci səfiri Riçard Mayls olub. O, 1992-1993-cü illərdə bu postu tutub.
İkinci səfir Riçard Kozlariç 1994-1997-ci illərdə, üçüncü səfir Stenli Eskudero 1997-2000-ci illərdə çalışıb.
Sonrakı səfirlər bu şəxslərdir: Ross Uilson (2000-2003), Rino Harniş (2003-2006), Enn Dörsi (2006-2009), Metyu Brayza (2011-2012), Riçard Morninqstar (2012-2014).
ABŞ-ın xarici ölkələrdəki səfirləri prezidentin təqdimatı və Senatın razılığı ilə təyin olunurlar.
