Ərəbistandan toz gəlib
Martın 29-u səhər saat 9-da Bakı və Abşeron yarımadasında tozun miqdarı sanitar normadan 20 faiz yuxarı olub. Xəbəri Ekologiya və Təbii Sərvətlər Nazirliyi yayıb.
Rəsmi açıqlamaya əsasən, Ətraf Mühit üzrə Milli Monitorinq Departamentinin mütəxəssislərinin apardığı monitorinqlər bu gün və sabah ölkə ərazisində havada tozun miqdarının sanitar normadan artıq olacağını göstərir: “Buna səbəb ölkə ərazisinə Ərəbistan yarımadasından atmosfer axınları ilə zəif toz dumanının daxil olmasıdır. Departament operativ iş rejiminə keçərək hər üç saatdan bir atmosfer havasında müşahidələr aparır”.
