Qiyamçı lider yenə prezident seçilir
Misirdə martın 26-dan başlayaraq üç gün keçirilmiş prezident seçkisinin ilkin nəticələri açıqlanıb. Novator.az-ın məlumatına görə, indiki dövlət başçısı Əbdülfəttah əl-Sisi səslərin 90 faizindən çoxunu toplayaraq rəqibi Musa Mustafa Musanı geridə qoyur. Musa Mustafa Musa Əl-Qad Partiyasının lideridir.
Əbdülfəttah əl-Sisi 1954-cü ildə doğulub. Qahirə Hərbi Akademiyasını bitirib. 2013-cü ildə müdafiə naziri və ordu komandanı olarkən prezident Məhəmməd Mursini devirib, 2014-cü ilin mayında dövlət başçısı seçilib.
