Ankarada hərbi müzakirələr
Ankaraya səfər edən müdafiə naziri Zakir Həsənov martın 28-də Türkiyə Silahlı Qüvvələrinin Baş Qərargah rəisi Hulusi Akarla görüşüb. Mod.gov.az-ın məlumatına görə, görüşdə iki ölkə arasında hərbi əməkdaşlığın inkişaf perspektivləri, regionda sabitliyin təmin edilməsində Azərbaycan Ordusunun və Türkiyə Silahlı Qüvvələrinin rolu müzakirə olunub. Tərəflər hərbi, hərbi-texniki, hərbi təhsil sahələrində əməkdaşlıq, birgə təlimlərin keçirilməsi və qarşılıqlı maraq doğuran digər məsələlər barədə fikir mübadiləsi aparıblar.
Həmin gün Zakir Həsənov Müdafiə Sənayesi Komitəsinin sədri İsmayıl Dəmirlə də bir araya gəlib. Görüşdə hərbi-texniki əməkdaşlığın inkişaf perspektivlərinin müzakirə olunduğu, hərbi sənaye sahəsində qarşılıqlı maraq doğuran məsələlərə toxunulduğu bildirilir.
