Cinpinin hökuməti təsdiqləndi
Martın 19-da Çin Xalq Nümayəndələri Yığıncağı (parlament) yeni hökumətin tərkibini təsdiqləyib. Novator.az-ın məlumatına görə, Dövlət Şurasının sədri (baş nazir) postunu yenidən Li Ketsyan tutub.
Si Cinpin parlamentin 17 mart iclasında yenidən Çin Xalq Respublikasının sədri, həmçinin Silahlı Qüvvələrin ali idarəetmə orqanı olan Mərkəzi Hərbi Şuranın sədri seçilib.
1953-cü il təvəllüdlü Si Cinpin 2012-ci ildən Çin Kommunist Partiyasının baş katibi, 2013-cü ildən dövlət başçısıdır.
Parlamentin 11 mart iclasında ölkə konstitusiyası redaktə edilib. Əsas yenilik dövlət başçısı – Çin Xalq Respublikasının sədri vəzifəsinə seçki qaydasının dəyişməsi olub. Ana qanunun əvvəlki variantında eyni şəxsin iki müddətə (hər biri 5 il olmaqla) dövlət başçısı seçilməsi nəzərdə tutulurdu. 11 mart iclasında bu məhdudiyyət götürülüb.
