Böyük beşlikdə nələr yaşanır?
İspaniya milli futbol çempionatının lideri “Barselona” 29-cu turda xal sayını 75-ə çatdırıb. Novator.az-ın məlumatına görə, ikinci pillədə gedən “Atletiko” 64 xal götürüb. “Real” 60 xalla üçüncüdür. Onu 59 xal toplayan “Valensiya” təqib edir.
İtaliya çempionatında “Yuventus” 29 oyuna 75 xalla önə çıxıb. “Napoli” 73 xalla ikincidir. Üçüncü pillədə dayanan “Roma” 59 xal yığıb.
Almaniya çempionatında “Bavariya” 27 turda 66 xal toplayıb. “Şalke”nin 49, Dortmund “Borussiya”sının 48 xalı var.
Fransada 31 oyuna 83 xal toplayan PSJ öndədir. “Monako” 66, “Marsel” 59, “Lion” 57 xal əldə edib. Bu üç komanda 30 oyun keçirib.
İngiltərə çempionatının lideri kürsüsündə 30 oyunda 81 xal yığan “Mançester Siti” əyləşir. 30 oyun keçirən “Mançester Yunayted”in 65 xalı var. “Liverpul” 31 oyuna 63 xalla üçüncüdür.
