Prezidentin saytı təzələnib
Azərbaycanın dövlət başçısının rəsmi saytı Prezident.az martın 16-da dizaynını dəyişib. Novator.az-ın məlumatına görə, rəsmi saytda başlıq və mətn şriftləri, həmçinin fotolar böyüdülüb.
Prezident.az-da Xəbərlər, Sənədlər, Azərbaycan, Prezident, I vitse-prezident, Administrasiya, Müraciətlər rubrikaları, Foto və Video bölümləri yer alır.
Dövlət başçısı İlham Əliyevin tvitləri ayrıca guşədə verilir. Başqa bir bölümdə prezidentə məktub yazmaq olar.
Saytlara keçid bölümündə bütün dövlət orqanlarının (parlament, mərkəzi və yerli icra hakimiyyəti orqanları, hüquq mühafizə qurumları və s.) internet resurslarını ziyarət etmək mümkündür.
Prezident.az-da dövlət orqanlarına müraciət imkanı da yaradılıb.
