Nazir helikopter hərbi hissəsinə baş çəkib
Müdafiə naziri general-polkovnik Zakir Həsənov cəbhə bölgəsində bazalaşdırılan yeni helikopter hərbi hissəsinə baş çəkib. Martın 16-da yayılan rəsmi məlumata görə, uçuş heyəti və texniki heyətlə görüşən nazir ordu aviasiyasının döyüşə hazırlıq səviyyəsi, onun imkanları və effektiv tətbiqi vəziyyətini yoxlayıb.
Zakir Həsənov Hərbi Hava Qüvvələrinin komandanlığı qarşısında hərbi pilotların uçuş praktikası, onların təlim-məşq hazırlığının plana müvafiq şəkildə həyata keçirilməsi ilə bağlı tapşırıqlar qoyub.
