Hər nəfərə 1178,7 manat düşür
Dövlət Statistika Komitəsi 2018-ci ilin yanvar-fevral ayları üzrə ümumi daxili məhsul göstəricisini açıqlayıb. Novator.az bildirir ki, hesabata görə, iki ayda ölkənin ümumi daxili məhsulu əvvəlki ilin eyni dövrünə nisbətən 1,3 faiz artaraq 11 milyard 541,5 milyon manat təşkil edib.
ÜDM-in 48,3 faizi sənayedə, 9,6 faizi ticarət; nəqliyyat vasitələrinin təmiri sahələrində, 6,5 faizi nəqliyyat və anbar təsərrüfatı sahələrində, 6,2 faizi tikintidə, 2,7 faizi kənd təsərrüfatı, meşə təsərrüfatı və balıqçılıq, 2,6 faizi turistlərin yerləşdirilməsi və ictimai iaşə, 1,6 faizi informasiya və rabitə sahələrində, 15,9 faizi digər sahələrdə istehsal edilib, məhsula və idxala xalis vergilər ÜDM-in 6,6 faizinə bərabər olub.
2017-ci ilin ilk iki ayı ilə müqayisədə iqtisadiyyatın qeyri-neft sektorunda istehsal olunmuş əlavə dəyər 2,3 faiz artıb.
Əhalinin hər nəfərinə düşən ÜDM 1178,7 manat göstərilir.
