8 ölkə, 16 komanda qaldı
UEFA Avropa Liqasının 1/8 finalı başa çatıb. Novator.az-ın məlumatına görə, martın 15-də keçirilmiş cavab oyunlarından sonra bu komandalar növbəti raunda çıxıblar: “Atletiko” (İspaniya), “Leypsiq” (Almaniya), SSKA (Rusiya), “Latsio” (İtaliya), “Marsel” (Fransa), “Sportinq” (Portuqaliya), “Zalsburq” (Avstriya), “Arsenal” (İngiltərə).
1/4 finala çıxmış komandalardan 2-nin turnirdə titulu var. 1971-ci ildən keçirilən turniri “Atletiko” 2010 və 2012-ci illərdə, SSKA 2005-ci ildə zəfərlə başa vurublar.
“Leypsiq”, “Latsio”, “Marsel”, “Zalsburq”, “Sportinq”, “Arsenal” turnirdə siftəyə can atır.
2017-2018 mövsümündə UEFA-nın klub turnirlərinə 236 komanda buraxılıb. İndi mübarizəni 8 ölkənin 16 komandası davam etdirir, 8 komanda Çempionlar Liqasında, 8 komanda Avropa Liqasında yer alır. İspaniyanın 4, İngiltərə və İtaliyanın 3, Almaniyanın 2, Fransa, Rusiya, Portuqaliya və Avstriyanın 1 təmsilçisi qalır.
