Trampın komandası
ABŞ prezidenti Donald Tramp Reks Tillersonu dövlət katibi (xarici işlər naziri) vəzifəsindən azad edərək bu posta Mərkəzi Kəşfiyyat İdarəsinin direktoru Mayk Pompeonu gətirib. Mərkəzi Kəşfiyyat İdarəsinə rəhbərlik isə Cina Haspelə həvalə olunub. Hər iki təyinat Senatda təsdiqlənməlidir.
Novator.az bildirir ki, Donald Trampın hökumətində bu şəxslər də yer alır: Con Kelli – Ağ ev aparatının rəhbəri, Ceyms Mettis – müdafiə naziri, Kirtsen Nilsen – daxili təhlükəsizlik naziri, Ceff Seşns – ədliyyə naziri (baş prokuror), Betsi Devos – təhsil naziri, Eleyn Lan Çao – nəqliyyat naziri, Aleks Azar – səhiyyə və sosial xidmətlər naziri, Aleksander Akosta – əmək naziri, Stiven Mnuçin – maliyyə naziri, Devid Şulkin – veteranlarla iş naziri, Uilbur Ross – ticarət naziri, Rayan Zinke – daxili işlər naziri, Sonni Perdyu – kənd təsərrüfatı naziri, Ben Karson – tikinti və şəhər inkişafı naziri, Rik Perri – energetika naziri.
Hökumətə Den Kouts (Milli Kəşfiyyatın direktoru), Nikki Heyli (ABŞ-ın BMT-dəki daimi nümayəndəsi), Linda Makmen (Kiçik Biznes Administrasiyasının rəhbəri), Skott Prüitt (Ətraf Mühitin Mühafizəsi Agentliyinin rəisi), Mik Malvani (İnzibati-Büdcə İdarəsinin direktoru), Robert Laytizer də (Ticarət Nümayəndəlikləri Ofisinin rəhbəri) daxildir.
Vitse-prezident postunu Mayk Pens tutur.
