Səkkizlik tamamlandı
UEFA Çempionlar Liqasının son iki 1/4 finalçısı müəyyənləşib. Novator.az-ın məlumatına görə, 1/8 finalın martın 14-də keçirilən cavab görüşlərindən sonra Almaniyanın “Bavariya” və İspaniyanın “Barselona” klubları mərhələ adlayıblar.
İspaniyanın “Real” və “Sevilya”, İtaliyanın “Yuventus” və “Roma”, İngiltərənin “Liverpul” və “Mançester Siti” komandaları 1/4 finala vəsiqəni daha əvvəl təmin ediblər.
1/4 finala çıxan komandalar arasında titul sarıdan “Real” liderdir. Komanda 12 dəfə Çempionlar Liqasının qalibi olub.
1955-ci ildə yaradılmış, 1991-1992 mövsümünədək Çempionlar kuboku adlanmış turnirdə “Bavariya”, “Barselona”, “Liverpul” 5 zəfər əldə ediblər. “Yuventus”un 2 titulu var.
“Mançester Siti”, “Sevilya”, “Roma” heç vaxt Çempionlar Liqasının qalibi olmayıblar.
