“Real TV”ni necə izləmək olar?
Martın 15-dən telejurnalist Mirşahin Ağayevin rəhbərliyi ilə ölkədə yeni telekanal – “Real TV” peyk yayımına başlayıb.
Kanal “Azərspace-1” peykində bu tezlikdə yayımlanır: 1135 Polarization Horizontal Symbol Rate 27500.
APA-nın xəbərinə görə, kanalı Tvreal.az saytı və bəzi kabel operatorları vasitəsilə də izləmək mümkündür.
Modern.az xəbər verir ki, Mirşahin Ağayevin yeni komandasında 2016-cı ilin yayından fəaliyyəti dayandırılmış ANS telekanalının əməkdaşları – Afət Telmanqızı, Ləman Ələşrəfqızı, Mahir Məmmədli, Eldəniz Vəliyev, Səbinə Ağayeva, Lalə Nurəddinqızı, Orxan Məmmədli, Ziya Babayev, Azər Qarayev, Vüsalə Xanməmmədqızı, Ayşən Rüstəmova, Xatirə Məmmədova, Mehman Rəsulov, Natiq Nailəoğlu və digərləri çalışır.
Novator.az xatırladır ki, “Real TV” xəbər kanalıdır. Milli Televiziya və Radio Şurası 2018-ci il martın 5-də bu kanala peyk yayımı üçün müddətsiz lisenziya verib.
“Real TV”nin ofisi Bakının Nərimanov rayonunda, Ə.Rəcəbli-2 küçəsi, 21 ünvanında yerləşir.
