Döyüş heyətlərinin hazırlığı yoxlanıb
Azərbaycan Silahlı Qüvvələrinin genişmiqyaslı təlimlərinə ümumi rəhbərliyi həyata keçirən müdafiə naziri general-polkovnik Zakir Həsənov martın 14-də Raket və Artilleriya Qoşunlarının silah və hərbi texnikasına yerləşdikləri ərazidə baxış keçirib və şəxsi heyətlə görüşüb. Mod.gov.az-ın məlumatına görə, nazir döyüş heyətlərinin hazırlığını yoxlayıb və təlimlərdə döyüş tapşırıqları yerinə yetirəcək müxtəlif çaplı raket və artilleriya qurğuları, reaktiv yaylım atəş sistemi və minaatanların daha effektiv tətbiqi ilə bağlı tapşırıqlar verib.
Martın 12-də başlayan təlimlərə 25 min nəfərədək şəxsi heyət, 250-dək tank və digər zirehli texnika, 1000-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 50-dək müxtəlif təyinatlı ordu və cəbhə aviasiyası cəlb olunub.
