İsa Qəmbərin müalicəsi başa çatdı
Milli Strateji Düşüncə Mərkəzinin sədri İsa Qəmbər Ankaranın Hacettepe Universitetinin xəstəxanasında müalicəsini başa çatdırıb. Məlumatı martın 14-də Müsavat Partiyasının başqanı Arif Hacılı yayıb. O, İsa Qəmbərin yaxın günlərdə Türkiyə paytaxtından Bakıya qayıdacağını bəyan edib.
İsa Qəmbər bu il iki dəfə (13-18 yanvar, 23-28 fevral) Bakıdakı Mərkəzi Klinik Xəstəxanada ürəyindən müalicə alıb, fevralın 28-də Türkiyə paytaxtına gedib.
61 yaşlı İsa Qəmbər milli azadlıq hərəkatının liderlərindən biridir. 1990-1995-ci illərdə parlamentin deputatı, 1992-1993-cü illərdə Milli Məclisin sədri olub, 1992-ci il mayın 18-dən iyunun 17-dək prezident səlahiyyətlərini icra edib.
1992-2014-cü illərdə Müsavat Partiyasının başqanı postunu tutub.
