Cina Haspel kimdir?
ABŞ-ın Mərkəzi Kəşfiyyat İdarəsinin direktoru postuna ilk dəfə qadın təyin olunub: Cina Haspel. Martın 13-də prezident Donald Trampın imzaladığı təyinat Senatda təsdiqlənməlidir.
Novator.az bildirir ki, Cina Haspel 1956-cı il oktyabrın 1-də anadan olub.
1985-ci ildən Mərkəzi Kəşfiyyat İdarəsində çalışır.
32 illik karyerasının əksər hissəsi xaricdə keçib: Milli Məxfi Xidmətin xarici kəşfiyyat və məxfi əməliyyatlar üzrə direktor müavini, qərargah rəisi, direktor müavini postlarında çalışıb.
Mərkəzi Kəşfiyyat İdarəsinin Terrorla Mübarizə Mərkəzində aparat rəhbəri postunu tutub.
2017-ci ildən Mərkəzi Kəşfiyyat İdarəsi direktorunun müavini idi.
