1/8 final finiş astanasında
UEFA Çempionlar Liqasının 1/8 finalı finişə yaxınlaşır. Novator.az-ın məlumatına görə, İspaniyanın “Sevilya” klubu martın 13-ü İngiltərədə “Mançester Yunayted”i 2:1 hesabı ilə yenərək mərhələ adlayıb. Komandaların ilk görüşü qolsuz nəticələnmişdi.
İtaliyada Ukraynanın “Şaxtyor” komandasını qəbul edən “Roma” 1:0 hesabı ilə üstün gələrək 1/4 finala çıxıb. Ukraynadakı oyunda italyanlar uduzmuşdu – 1:2.
İspaniyanın “Real”, İtaliyanın “Yuventus”, İngiltərənin “Liverpul” və “Mançester Siti” komandaları 1/4 finala vəsiqəni daha əvvəl təmin ediblər.
1/8 final bu gün “Beşiktaş” –“Bavariya” (ilk oyun – 0:5) və “Barselona” – “Çelsi” (ilk oyun – 1:1) görüşləri ilə yekunlaşır.
