Hərracdan rəsmi məlumat
Əmlak Məsələləri Dövlət Komitəsinin 13 mart hərracında 19 dövlət əmlakı özəlləşdirilib. Novator.az-ın məlumatına görə, əmlakların 3-ü kiçik dövlət müəssisəsi, 13-ü qeyri-yaşayış sahəsi, 3-ü nəqliyyat vasitəsidir.
Paytaxt üzrə 1 kiçik dövlət müəssisəsi, 12 istifadəsiz qeyri-yaşayış sahəsi və 3 nəqliyyat vasitəsi, digər şəhər və rayonları üzrə 2 kiçik dövlət müəssisəsi və 1 istifadəsiz qeyri-yaşayış sahəsi sahibini tapıb.
Rəsmi məlumatda bildirilir ki, paytaxtın Nərimanov rayonunda yerləşən qeyri-yaşayış sahəsi 13 min 450 manata, digər əmlak 2 min 600 manata satılıb.
