Gecə yürüşü
Müdafiə Nazirliyinin 13 mart məlumatına görə, hərbi təlimlər çərçivəsində qoşunların döyüş təyinatı rayonlarına çıxarılma üzrə gecə vaxtı tapşırıqları yerinə yetirilib. Qüvvələr vaxt, marşrut, tapşırıqlar üzrə gecə və məhdud görünüş şəraitində kombinə üsulu ilə yürüş icra ediblər.
Martın 12-də başlayan təlimlərə 25000 nəfərədək şəxsi heyət, 250-dək tank və digər zirehli texnika, 1000-dək müxtəlif çaplı raket və artilleriya qurğusu, reaktiv yaylım atəş sistemi və minaatan, 50-dək müxtəlif təyinatlı ordu və cəbhə aviasiyası cəlb olunub. Qoşunlar, komanda idarəetmə məntəqələri, döyüş və ehtiyat hərbi hissələri əməliyyat təyinatı rayonları istiqamətində hərəkət edib, şəxsi heyət, zirehli texnika, aviasiya vasitələri, raket və artilleriya qurğuları, təminat bölmələri və digər hissələrin yerdəyişməsi həyata keçirilib.
