İşsiz qadın: keçmiş SSRİ-də Ermənistan birincidir
Beynəlxalq Əmək Təşkilatı işsizlik hesabatı yayıb. Novator.az-ın məlumatına görə, hesabatda bildirilir ki, dünyada qadınların işsizlik həddi 6%-dir. Bu, kişilər arasında işsizlik səviyyəsini 0,8% ötür.
Orta hesabla hər 10 işləyən kişiyə 6 işləyən qadının düşdüyü qeyd olunur.
Hesabatda Şərqi Avropa və Şimali Amerika ölkələrində qadınların işsizlik həddinin kişilərə nisbətən aşağı olduğu vurğulanır. Ərəb və Şimali Afrika dövlətlərində isə qadınların işsizlik həddi kişilərin işsizlik göstəricisindən iki dəfə çoxdur.
Beynəlxalq Əmək Təşkilatının məruzəsinə əsasən, keçmiş SSRİ məkanında qadınlar arasında ən yüksək işsizlik göstəricisi Ermənistanda qeydə alınıb. Bu ölkədə yaşı 25-i keçmiş qadınların 17,3%-i işsizdir.
İkinci yerdə Latviya (8,6%), üçüncü yerdə Tacikistan (7,8%) gəlir.
Gürcüstanda qadınların işsizlik səviyyəsi 7,7% göstərilir.
Azərbaycanda qadınlar arasında işsizlik göstəricisinin 4,8% təşkil etdiyi vurğulanır.
Sonrakı yerdə Rusiya qərarlaşıb: 4,1%
Səidə Hüseynova
