Ekoloji yoxlamaların nəticələri
Ekologiya və Təbii Sərvətlər Nazirliyi Ətraf Mühitin Mühafizəsi Departamentinin 16-28 fevral arası apardığı araşdırmanın nəticələrini açıqlayıb. Rəsmi məlumata əsasən, atmosfer havasının, su və torpaq ehtiyatlarının, yerin təkinin, fauna və floranın mühafizəsi, ətraf mühitə məişət və istehsalat tullantılarının yerləşdirilməsi sahələrində qanun pozuntularına görə 153 akt və protokol tərtib olunub, nöqsanların aradan qaldırılması üçün icrası məcburi olan 24 müddətli göstəriş verilib.
43 iş üzrə 25900 manat məbləğində cərimə kəsildiyi, ətraf mühitə dəymiş ziyana görə 25 iş üzrə 16327,69 manat məbləğində iddia qaldırıldığı, ətraf mühitə tullantıların atılmasına və axıdılmasına görə hüquqi və fiziki şəxslərə 283 iş üzrə 62472,48 manat məbləğində ödəmə tətbiq edildiyi bildirilir.
Tədbir görülməsi üçün hüquq mühafizə orqanlarına 31, icra qurumlarına 7, məhkəmələrə 4 iş göndərilib.
