84 günün sabitliyi başa çatdı
Martın 7-də ABŞ dollarının rəsmi kursu 1,7 manata düşüb. Novator.az-ın məlumatına görə, bu, 2017-ci il dekabrın 13-dən bəri ilk dəyişmədir: 84 gün idi dollar 1,7001 manata təklif olunurdu.
2017-ci ildə dolların ən aşağı rəsmi qiyməti 6-13 dekabr arası qeydə alınıb: 1,7 manat. Ən yuxarı kurs fevralda olub: 1,92 manat.
Digər valyutalara gəlincə, bu gün avro (2,1106 manat) və türk lirəsi (0,4474 manat) dəyər artırıb, gürcü larisi (0,6926 manat) və Rusiya rublu (0,0299 manat) ucuzlaşıb.
