Ən yaxşı ali məktəblərin yeni siyahısı
Böyük Britaniyanın “Quacquarelli Symonds” konsaltinq şirkəti dünya universitetlərinin yeni reytinqini açıqlayıb. Novator.az-ın məlumatına görə, ən yaxşı universitetlər siyahısına ABŞ-ın Massaçusets Texnologiya İnstitutu başçılıq edir.
İkinci yerdə Stenford Universiteti, üçüncü yerdə Harvard Universiteti, dördüncü yerdə Kaliforniya Texnologiya İnstitutu (hamısı ABŞ) gəlir.
Britaniyanın Kembric Universiteti beşinci yerdədir.
İlk onluqda Britaniyanın Oksford Universiteti, London Kollec Universiteti, London İmperiya Kolleci, ABŞ-ın Çikaqo Universiteti, İsveçrə Federal Texnologiya İnstitutu da var.
Siyahıda Azərbaycanın Xəzər Universiteti 701-750-ci, Bakı Dövlət Universiteti 801-1000-ci yerlər arasında göstərilir.
Türkiyənin 11, İranın 5, Rusiyanın 24, Qazaxıstanın 8, Ukraynanın 6, Belarusun və Estoniyanın 2 ali məktəbi ən yaxşı universitetlər siyahısına salınıb.
