Hər pətəyə 10 manat veriləcək
Prezident İlham Əliyev arıçılığın inkişafını stimullaşdırmağa sərəncam verib. Martın 5-də imzalanan sərəncam arıçılıqla məşğul olan fiziki və hüquqi şəxslərə saxladıqları hər arı ailəsinə (pətəyə) görə 2018-ci il də daxil olmaqla 5 il müddətində ildə 10 manat məbləğində subsidiya müəyyən edir.
Nazirlər Kabineti subsidiya verilməsi qaydasını iki ay müddətində təsdiqləməlidir.
Kənd Təsərrüfatı Nazirliyinə Dövlət Statistika Komitəsi ilə birlikdə arı ailələrinin ilin əvvəlinə və sonuna sayı, verilmiş subsidiyanın məbləği, habelə bal istehsalı həcminin dinamikası barədə prezidentə illik məlumat təqdim etmək tapşırılıb.
