Daha iki media qurumu ödənişli təşviqata qoşuldu
Aprelin 11-nə təyin olunmuş növbədənkənar prezident seçkisinin ödənişli təşviqatına qoşulan media qurumlarının sayı artıb. Novator.az-ın məlumatına görə, “Xalq qəzeti” və Aktual.az saytı Mərkəzi Seçki Komissiyasına bildiriş göndəriblər.
Daha əvvəl İctimai Televiziya və Radio Yayımları Şirkəti, “Cümhuriyət”, “Olaylar”, “Səs”, “Palitra” qəzetləri, “Səs”, “Olaylar” informasiya agentlikləri, Report.az, Moderator.az, Cəbhə.info, Avropa.info saytları belə addım atmışdılar.
Ödənişli təşviqata qoşulmaq istəyən media qurumları Mərkəzi Seçki Komissiyasına bildirişlər göndərməli, ödənişin əsasları, şərtləri və məbləği barəsində məlumatları seçkinin təyin edilməsi haqqında qərarın rəsmi dərcindən sonra ən geci 30 gün keçənədək dərc etməlidirlər.
Mərkəzi Seçki Komissiyası seçkini fevralın 6-da elan edib.
Ödənişsiz təşviqat İctimai Televiziya və Radio Yayımları Şirkətində, “Azərbaycan”, “Bakinski raboçi” qəzetlərində və “Xalq qəzeti”ndə aparılacaq.
