95 faiz sərəncamı haraları əhatə edir?
2018-ci ilin büdcəsindən Dövlət Neft Şirkətinə 100 milyon manat ayrılır. Prezident İlham Əliyevin sərəncamında ayırma ilin sonuna kimi ölkədə qazlaşma səviyyəsini 95 faizə çatdırmaq niyyəti ilə əsaslandırılıb.
Novator.az bildirir ki, qaz çəkilməsi nəzərdə tutulan yaşayış məntəqələri və ərazilər bunlardır: Lənkəranın Mollakənd, Şovu kəndləri, Şəkinin Çayqaraqoyunlu, Baş Küngüt kəndləri, Yevlaxın Rüstəmli, Qaraməmmədli kəndləri, Ağcabədinin Biləyən, Şotlanlı kəndləri, Ağdaşın Orta Ləki, Aşağı Nemətabad kəndləri, Ağsunun Nuran kəndi, Astaranın Rinə kəndi, Beyləqanın Əmirzeydli kəndi, Bərdənin Hacıbəyli, Kafarlı kəndləri, Cəlilabadın Cəlayir kəndi, Daşkəsənin Quşçu, Bayan kəndləri, Gədəbəyin Çaldaş, Səbətkeçməz kəndləri, Goranboyun Həmənli kəndi, Göyçayın Kürdşaban, Şəkili kəndləri, Göygölün Şəhriyar, Kərəmli, Çaykənd kəndləri, Xaçmazın Krasnı Xutor kəndi, İmişlinin Aranlı, Qızılkənd kəndləri, İsmayıllının Lahıc qəsəbəsi, Qaraqaya, Gəndov, Namazgah kəndləri, Kürdəmirin Qarasu kəndi, Qaxın Meşəbaş kəndi, Qəbələnin Mıxlıqovaq, Kötüklü kəndləri, Qobustanın Şıxzahırlı kəndi, Qubanın Ərməki, Güneyməhlə kəndləri, Qusarın Piral, Cibir kəndləri, Lerikin Veri kəndi, Masallının Tatyanoba, Güllütəpə kəndləri, Neftçalanın Ərəbqardaşbəyli, Cəngan kəndləri, Oğuzun Muxas kəndi, Saatlının Məzrəli, Azadkənd kəndləri, Sabirabadın Yuxarı Axtaçı, Yastıqobu kəndləri, Salyanın Düzənlik, Peyk kəndləri, Siyəzənin Qozağacı kəndi, Şabranın Sumağava Qazma, Qorğan kəndləri, Şamaxının Bağırlı, Ovçulu kəndləri, Şəmkirin rayonunun Yeni Göyçə kəndi, Şəmkir şəhərinin “Sərxan” adlanan ərazisi, Qaracəmirli kəndində yeni massiv, Tərtərin Soyulan, Hacallı, Alışarlı, Rəcəbli, Kövdadıq, Bildirçinli, Umudlu, Aşağı Qapanlı kəndləri, Tovuzun Hunanlar, Əhmədabad kəndləri, Ucarın Ramal, Əlikənd kəndləri, Yardımlının Gavran kəndi, Zaqatalanın Bəhmətli, Lahıc kəndləri, Zərdabın Şıxbağı, Nəzəralılı kəndləri.
Məcburi köçkünlərin yaşadığı ərazilər üzrə 3 rayonda 4 qəsəbə qazlaşdırılacaq: Ağdam rayonunda Ergi adlanan ərazidə salınmış qəsəbə, “Mirzələr” qış otlağı ərazisində salınmış yaşayış massivi, Ağcabədi rayonunda Taxtakörpü adlanan ərazidə salınmış qəsəbə, Sabirabad rayonunda Rüstəmli kəndinin ərazisində salınmış qəsəbə.
