Neft Fondunun valyuta satışı 65 milyon dollar artıb
Dövlət Neft Fondu fevral ayında keçirilmiş valyuta hərraclarında 364,1 milyon ABŞ dolları məbləğində vəsait satıb. Rəsmi hesabat martın 5-də yayılıb.
Novator.az bildirir ki, yanvar ayı ilə müqayisədə valyuta satışı 65 milyon dollar çoxalıb. Yanvarın valyuta hərraclarında Neft Fondundan 299,1 milyon dollar məbləğində vəsait alınmışdı.
İki ayın ümumi satış həcmi 663,2 milyon dollardır.
2017-ci ildə fond valyuta hərraclarında 3 milyard 598 milyon dollar satıb.
