Böyük beşlikdən yeni xəbərlər
İtaliya futbol çempionatında 27-ci turun əksər oyunu təxirə salınıb. Buna “Fiorentina” komandasının kapitanı Davide Astorinin martın 4-nə keçən gecə qəfil ölümü səbəb olub. 31 yaşlı futbolçunun yatdığı yerdə ürəyi dayanıb.
Novator.az bildirir ki, çempionatda 27 oyuna 69 xal yığmış “Napoli” liderlik edir. 26 oyun keçirmiş “Yuventus”un 68 xalı var. “Roma” 53 xal toplayıb. Bu komanda 27 oyunu geridə qoyub.
İngiltərə çempionatında 29 oyun keçirən “Mançester Siti” 78 xalla zirvədədir. “Liverpul” 60 xalla ikinci pillədə qərar tutub. Ehtiyatda bir oyunu olan “Mançester Yunayted” 59 xal yığıb.
İspaniya çempionatının lideri “Barselona” 27 turda 69 xal toplayıb. Onu 61 xalla “Atletiko” izləyir. Üçüncü yerdə gedən “Real”ın 54 xalı var.
Almaniya çempionatında “Bavariya” 25 turda 63 xal götürüb. “Şalke” 43 xal, Dortmund “Borussiya”sı və Frankfurt “Ayntraxt”ı 42 xal yığıblar.
Fransada 28 turda 74 xal toplayan PSJ öndədir. “Monako” 60 xal, “Marsel” 56 xal əldə edib.
